श्रीलंकाका प्रस्तावित राजदूतको अनुमोदनमा अवरोध: दुई तिहाइ सदस्यको उपस्थिति नहुँदा निर्णय स्थगित
काठमाडौं: संसदीय सुनुवाइ समितिमा दुई तिहाइसदस्यको उपस्थिति नभएका कारण श्रीलंकाका लागि प्रस्तावित राजदूत रामकृष्ण भट्टराईको नाम अनुमोदन हुन सकेन। समितिमा कुनै पनि प्रस्ताव स्वीकृत वा अस्वीकृत गर्न दुई तिहाइ सदस्यको मत आवश्यक पर्छ।
सोमबार बसेकोसमितिको बैठकमा १५ सदस्यीय समितिमा केवल ८ जना सांसद मात्र उपस्थित थिए। यस कारणले गर्दा भट्टराईको नामबारे निर्णय लिन सकिएन। समितिको बैठक मंगलबार ९ बजे पुन: बोलाइएको छ।
समितिले यसअघि राजदूतमा प्रस्तावित १६ जनाको नाम अनुमोदन गरिसकेको छ। तर, भट्टराईको शैक्षिक योग्यताको प्रमाणपत्र नभेटिएपछि उनको नामबारे थप निर्णय आवश्यक रहेको भन्दै सोमबारका लागि बैठक बोलाइएको थियो।
समितिका सदस्य एवं कांग्रेस प्रमुखसचेतक श्याम घिमिरेले शैक्षिक प्रमाणपत्र उपलब्ध नभएको अवस्थामा भट्टराईको नाम अनुमोदन हुन नसक्ने बताएका छन्। घिमिरेका अनुसार सोमबारसम्म पनि समितिमा उनकोप्रमाण पत्र उपलब्ध भएको छैन।
भट्टराईको शैक्षिक योग्यताको प्रमाणपत्र नभेटिएको कारणले गर्दा उनको नाम अनुमोदनमा अवरोध आएको छ। यसले गर्दा श्रीलंकामा नेपालको राजदूत नियुक्तिमा ढिलाइ हुन सक्छ।
Views: 0