तातोपानी नाका : लार्चामा सडक सञ्चालन, तर चुनौती कायम
सिन्धुपाल्चोक— अविरल वर्षाका कारण गत शनिबारदेखि ठप्प बनेको उत्तरी नाका तातोपानीको लार्चामा एक सातापछि नदीमा ह्युमपाइप राखेर सडक सञ्चालनमा ल्याइएको छ। कोदारी राजमार्गको लार्चामा सडक जोडिएपछि आइतबारबाट तातोपानी भन्सार र लार्चापारी बीचमा रोकिएका कन्टेनर आवतजावत् गरिरहेका छन्।
यद्यपि, तातोपानी नाकाको पूर्ण सञ्चालनका लागि अझै धेरै चुनौतीहरू छन्। लार्चामासडक जोडिए पनि लिपिङ र कोदारी बजार जोड्ने लिपिङ पुलमा ठाडो खोलाले बगाएको छ। सामान ओसारपसार गर्न तुइन हालिएको छ, जसले गर्दा व्यापारिक गतिविधिमाठूलो असर परेको छ।
मितेरी पुलको तल्लो फाउन्डेसनको भाग चर्किँदा चीनले मितेरी पुलबाट कन्टेनर आउजाउ बन्द गरेयता मजदुरलाई बोकाउनुबाहेक व्यवसायीसँग कुनै विकल्प छैन। दसैँलक्षित सामाग्री बोकेका कन्टेनर कुहिने त्रासमा बसेका व्यवसायी लार्चामा सडक र लिपिङमा तुहिन जोडिएपछिसामान गन्तव्यमा पुर्\u200dयाउन पाउने आशमा छन्।
यसबाहेक, केही समयअघि चीनको झाङ्मु बजारस्थित प्रशासनिक भवनको चेकजाँच कक्षछेउको भुभाग भास्सिएको थियो। यसले गर्दा चिनियाँ पक्षले तातोपानी नाकाको सञ्चालनमा थप कडाइ गरेको छ।
प्रमुख जिल्ला अधिकारी किरण थापाले यहाको समस्याबारे सबै पक्षलाई जानकारी भएको र माथिल्लो तहमा कुरा भइरहेको बताए। ‘कन्टेनर आउजाउ नभएपछि सर्वसाधारण सामाग्री लिन लिपिङ पारी चिनियाँ बजार पुगिरहेका छन्, यहाँको भूगोलको समस्याले कठिन स्थिति बनाएको छ,’ प्रजिअ थापाले भने।
तातोपानी अध्यागमन कार्यालयको तंथ्याकअनुरुप आहिलेसम्म तीन सयभन्दा बढी स्थानीय लिपिङबाटपैदल हिडेर चिनियाँ बजारमा दसैँलक्षित सामाग्री किन्न गएका छन् भने चीनको विभिन्न इलाकाबाट ३२ चिनियाँ पैदल यहाँ घुम्न आएका छन्।
कोदारी राजमार्ग२६ किलोमिटरमध्ये लार्चासम्म साना तथा मझौला सवारीसाधनका लागि सडक सहज छ। तर, जताततै पहिरोको जोखिम भएकाले यात्रुहरूले सावधानी अपनाउनुपर्ने हुन्छ।
तातोपानी नाकाको पूर्ण सञ्चालनका लागि नेपाल र चीन दुवै पक्षले तीव्र गतिमा काम गर्नुपर्ने देखिन्छ। लार्चामा सडक सञ्चालन भए पनि लिपिङपुलको पुनर्निर्माण, मितेरी पुलको मर्मत, र चिनियाँ पक्षको सहयोग बिना तातोपानी नाकाको पूर्ण सञ्चालन असम्भव छ।
Views: 0